ჩრდილთან ბრძოლა ქართულად - Chrdiltan Brdzola Qartulad (Shadow Boxing, 2005)

„ჩრდილთან ბრძოლა“ (Бой с Тенью) არის დრამატული ისტორია ნიჭიერ და ამბიციურ მოკრივეზე, არტიომ კოლჩინზე, რომელიც მსოფლიო ჩემპიონატზე გამარჯვების ზღვარზე აღმოჩნდება, მაგრამ ერთ საბედისწერო ბრძოლაში ყველაფერს კარგავს. ის პოპულარულია, მთელ ქვეყანას მისი გამარჯვება სურს, მაგრამ თავისი ჯანმრთელობის გამო სერიოზულ საფრთხეს აწყდება - ექიმები აუკრძალავენ ბრძოლას, რადგან მას ბადურის აშრევება დაუდგინდა, თუმცა არტიომი მაინც გადადის რინგზე და ბრძოლაში მძიმე დაზიანებას იღებს, რის შედეგადაც თითქმის სიბრმავემდე მიდის. 

ოპერაცია, რომელიც მხედველობის შესანარჩუნებლად სჭირდება, 30 000 დოლარი ღირს, თუმცა მას ეს თანხა არ გააჩნია, ხოლო მისი ყოფილი მფარველი, გავლენიანი ბიზნესმენი და კრიმინალი ვალიევი, დახმარებაზე უარს ამბობს. სასოწარკვეთილი არტიომი იძულებულია კანონი დაარღვიოს და ფული მოიპოვოს, რათა გადაარჩინოს თავისი მხედველობა და ქალი, რომელიც შეუყვარდა - ექიმი ვიქტორია.

ფულის საშოვნელად ის ძმასთან, კოსტიასთან ერთად ბანკის ძარცვას გეგმავს, რომელიც საბოლოოდ სისხლიან შეტაკებაში გადაიზრდება. ოპერაციის შემდეგ არტიომი დროებით ხედვას იბრუნებს, მაგრამ ვალიევის ხალხი მას იჭერს და აწამებს, რადგან სურთ გაიგონ, სად დამალა მოპარული ფული. ის კი თავს ისე აჩვენებს, თითქოს კვლავ ბრმაა, ამით მოტყუებით თავს აღწევს ტყვეობას და გარბის. პარალელურად, დაქირავებული მკვლელი ცდილობს ვიქტორიას მოკვლას, მაგრამ სწორედ ამ დროს არტიომი ჩნდება და მას ებრძვის.

საბოლოო დაპირისპირებაში ვალიევი თავად ესვრის არტიომს, რომელიც მძიმედ დაშავებული ციხეში ხვდება. ვალიევი კი მალევე დააპატიმრეს. წლების შემდეგ არტიომი ციხიდან გამოდის - მას ვიკა და მეგობრები ხვდებიან, თუმცა მაშინვე უცხო ზარი ურეკავს. ეს არის ლარი, ის მოკრივე, რომლის წინააღმდეგაც არტიომმა დაკარგა მხედველობა. ის სთავაზობს რემატჩს, ამბობს: „ვიცი, რომ თავისუფალი ხარ... რემატჩი როგორ იქნება?“ - და ფილმი "Chrdiltan Brdzola" სწორედ ამ დაძაბულ მომენტზე მთავრდება, რაც მიანიშნებს ახალ გამოწვევასა და გაგრძელებაზე.