მკერავი - Mkeravi

პეიამი, ახალგაზრდა და ცნობილი მკერავია, რომელმაც მემკვიდრეობით მიიღო ნიჭი და წარმატებული ბიზნესი ბაბუისგან, რომლის გარდაცვალებასთან ერთად პეიამი თავისი ფსიქიკურად დაავადებული მამის უდიდეს საიდუმლოს იგებს და ახლა სიმართლის დამალვაზე უნდა იზრუნოს. ის თავისი საუკეთესო მეგობრის პატარძლის საქორწინო კაბის კერვას იწყებს, თუმცა სამივე მათგანს აქვს ბნელი საიდუმლოებები, რომლებიც მალე თავდაყირა დააყენებს მათ ცხოვრებას.

განვითარება

2021 წლის დასაწყისში გავრცელდა ინფორმაცია, რომ ჩაგათაი ულუსოისთვის სპეციალურად ახალი სცენარი იწერებოდა. სექტემბერში, მის დაბადების დღეს, გავრცელდა ინფორმაცია, რომ სერიალს Yalı Çapkını ერქვა. რამდენიმე დღის შემდეგ გავრცელდა ინფორმაცია, რომ ულუსოის სცენარი არ მოეწონა და პროექტი შეჩერდა. შემდეგ ჟურნალისტმა რანინიმ განაცხადა, რომ იმავე კომპანიის ახალი სცენარი მოეწონა ულუსოის, რის შემდეგაც კონტრაქტი გაფორმდა და სერიალის სახელი გახდა Süslü Korkuluk („მოდური საშინელება“ ინგლისურად). სერიალის სახელი მოგვიანებით შეიცვალა და გახდა Terzi („მკერავი“ ინგლისურად). სერიალის სცენარისტები არიან რანა მამათლიოღლუ და ბექირ ბარან სიტკი. სიუჟეტი ირიბად ეფუძნება გულსერენ ბუდაიჯიოღლუს წიგნს Hayata Dön („დაბრუნება ცხოვრებაში“).

მსახიობების შერჩევა

ჩაგათაი ულუსოი იყო პირველი მსახიობი, რომლის სახელიც სერიალს დაუკავშირეს. ალინა ბოზისა და ჰაფსანურ სანჯაქტუტანის სახელები ახსენეს და ითქვა, რომ მათ რეჟისორმა ინტერვიუ მისცა. 5 იანვარს მომღერალმა აიაზ თეზჯანმა თავად განაცხადა, რომ შოუში მონაწილეობას მიიღებდა. მსახიობი ბესტე კანარიც იმავე დღეს შეუერთდა შოუს. ალინა ბოზი მთავარ როლზე დადასტურდა. თუმცა, როდესაც შოუ TV8-დან Netflix-ზე გადავიდა, ალინა ბოზმა თავისი კანდიდატურა მოხსნა.

შემდეგ ესრა ბილგიჩი ჩაგატაი ულუსოისთან ერთად დანიშნეს. 1 აპრილს გავრცელდა ინფორმაცია, რომ ბილგიჩმა პროექტი დატოვა და მან 3 აპრილს თავის Instagram გვერდზე განცხადება გამოაქვეყნა, სადაც დაადასტურა თავისი წასვლა. თურქეთის უდიდესი გაზეთის, Hürriyet-ის ჟურნალისტმა დაწერა, რომ ესრა ბილგიჩმა გადამღებ ჯგუფს პრობლემები შეუქმნა და გადაღებების დაწყებამდე ორჯერ მოითხოვა ხელფასის მომატება. შედეგად, ის გადასაღები მოედნიდან გაათავისუფლეს. თუმცა, იმავე ღამეს, ბილგიჩმა გამოაქვეყნა სტატია, სადაც ნათქვამი იყო, რომ მას არ შეეძლო კონტრაქტის გაფორმება, რადგან ვერ დაეთანხმებოდა სამუშაო პირობებს და მიიღო გადაწყვეტილება შოუს დატოვების შესახებ ექსკლუზიური კონტრაქტის გამო, რომელიც მას სხვა სერიალებზე მუშაობის საშუალებას არ აძლევდა, თუ მათ Netflix-ი არ გადაიღებდა. ერთ-ერთი ჟურნალისტი მას მხარი დაუჭირა და თქვა, რომ პროდიუსერი მზად იყო სამჯერ გადაეხადა მისთვის, მაგრამ მან ფულის ნაცვლად პატივი აირჩია. საპროდიუსერო კომპანია OGM-სა და Netflix-ს ინციდენტთან დაკავშირებით არანაირი განცხადება არ გაუკეთებიათ.